Bakıda təlim-məşq toplanışında olan milli komandamızın heyətində dəyişiklik baş verib.
İdmanxeber.az-ın AFFA-nın rəsmi saytına istinadən yaydığı xəbərə görə, “Sumqayıt” klubunun yarımmüdafiəçisi Aleksey İsayev millinin heyətindən çıxarılıb. Yarımmüdafiəçi zədələndiyi üçün baş məşqçi Nikola Yurçeviç tərəfindən yığmadan kənarlaşdırılıb.
Qeyd edək ki, millimiz “Avro-2020″nin seçmə mərhələsində martın 21-də Zaqrebdə Xorvatiya, 4 gün sonra isə Bakıda Litva yığması ilə yoldaşlıq oyununda qarşılaşacaq.