Müsahibə

“İlk üçlüyə düşmək istərdik, sonrasına baxarıq” – MÜSAHİBƏ

“İnter”in müdafiəçisi Arif Daşdəmirov klubun rəsmi saytına müsahibə verib.

– Arif, komandanın qələbə qazanmasına baxmayaraq, “Rəvan”la oyun kifayət qədər çətin alındı,..

– Oyun çox ağır oldu. Bundan başqa, 5 ev oyununda qələbə qazana bilmirdik və qalib gəlməyi çox istəyirdik. Biz oyunu yaxşı keçirdik: erkən qollar vurduq, yenə qol vəziyyətlərimiz oldu, lakin səhvlərimizin ucbatından lazımsız qollar da buraxdıq. Buraxılmış qollarla bağlı epizodlarda biz daha diqqətli oynamalıydıq. Əsas odur ki, bizə qalib gəlmək müyəssər oldu. Komanda artıq özünə gəlib. İnşallah, növbəti matçlarda yaxşı nəticələr əldə edərik və turnir cədvəlində yüksələrik. İlk üçlüyə düşmək istərdik, sonrasına baxarıq.

– Son matçlarda “İnter” kifayət qədər yaxşı təsir bağışlayır, start şokunu adlamaq komandaya müyəssər olur. Səncə, buna başqa oyun taktikasına keçid səbəb oldu, yoxsa komanda sadəcə anladı ki, artıq geriləmək olmaz?

– Məşqçi qərara gəldi ki, belə taktikayla oynamaq lazımdır və bu sxem öz nəticələrini verdi. Biz bir neçə matçı yaxşı keçirdik, deməli, bu qərar özünü doğrultdu. Başlıcası odur ki, bu ruhda davam etməliyik. Bizə xal toplamaq lazımdır.

– Ruslan Əmircanov meydançaya çıxdıqdan sonra sən sol cinaha keçdin. Deyə bilərsən, harada sizə oynamaq daha rahatdır: adət etdiyiniz sağ cinahda, yoxsa sol tərəfdə?

-Bu, mənim “İnter”də artıq 4-cü mövsümümdür və ötən müddət ərzində həm sağ, həm də sol cinahda oynamağa macal tapmışam. Bu iki cinahda oynamağa adət etmişəm və məşqçi sol cinahı həvalə edən zaman burada oynamaq mənə çətin olmur. Belə də, əlbəttə ki, özümü sağ cinahda daha rahat hiss edirəm. Lakin yenə təkrar edirəm ki, zərurət yarandıqda sol cinahda oynamaq mənə hər hansı bir problem yaratmır.

– “Rəvan”la oyunda bir neçə epizodda hətta rəqibin qapısına yol da tapa bilərdin, lakin bunu etmək sənə müyəssər olmadı. Həmin anlarda qol vurmağa nə mane oldu?

– Səmimi desəm, bu suala cavab verməkdə çətinlik çəkirəm. Yəqin sadəcə bəxtsizlik belə anlarda qol vurmağa imkan vermədi, bir də hər şey o qədər dinamik cərəyan edirdi ki, bu da daha dəqiq zərbələr endirməyə mane oldu. İndi növbəti matçlarda qol vurmağa çalışacağam.

– Bu qələbə sayəsində “İnter” “Qarabağ”, “Neftçi” və “Qəbələ”nin lider olduğu üçlüyə iddia edən komandalar qrupuna yaxınlaşdı. Fikrincə, “İnter” bu komandalara yetişə bilərmi?

– Əlbəttə ki, biz bunu edə bilərik. “İnter” həmişə mükafatlara iddia edən komandadır. Son matçlarda biz yaxşı oyun nümayiş etdiririk və düşünürəm ki, bizə bu ruhda davam etmək lazımdır. Komanda meydançada bütün potensialını nümayiş etdirməlidir. Bizə səhvlərdən qaçmaq lazımdır və yalnız bu halda turnir cədvəlində yuxarı yerlərə ümid edə bilərik. Yalnız bu halda biz irəliyə addımlaya bilərik.

– Növbəti tur komandanı Zaqatalaya çətin səfər gözləyir. Birinci dövrədə “İnter” “Simurq”a məğlub oldu və çox güman ki, komanda revanş almağa çalışacaq. Qarşıdakı oyun barədə nə deyə bilərsiniz?

– Bizi çox ciddi oyun gözləyir. “Simurq” ötən bütün matçlarını Bakıda və Qəbələdə keçirdi, bizimlə matçı isə ilk dəfə azarkeşlərinin qarşısında keçirəcək və bu da bizim tapşırığımızı daha da çətinləşdirəcək. Ancaq biz revanş götürməyə və Zaqataladan yaxşı nəticəylə qayıtmağa çalışacağıq.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43