Çempionlar Liqasının 1/8 final mərhələsinin oyunları davam edir.
İdmanxeber.az-ın məlumatına görə, dünən “Mançester Siti” səfərdə “Leypsiq”lə ilk oyununu (1:1) keçirib. Görüşün ardından “şəhərlilər”in baş məşqçisi Pep Qvardiola qarşalışma barədə bunları deyib:
“Leypsiq” bizi hücum etməyə, irəli çıxmağa məcbur edirdi. Ancaq buraxılan qoldan sonra 15-20 dəqiqə yaxşı oynadıq. Ümumi baxanda komandam pis çıxış etmədi. Bu, yoldaşlıq oyunu deyil. “Leypsiq”in mübarizəsini görürsünüz. İnsanlar 5:0 hesabı ilə qalib gələcəyimizi gözləyirdilər. Bu, real deyil. Bəli, biz yaxşı komandayıq. Amma təəssüf ki, 4:0 hesabı ilə qalib gələ bilmədik. Rəqiblərə hörmətlə yanaşmaq lazımdır.
Əgər beş əvəzetmə hüququm varsa, bu o demək deyil ki, hamısından istifadə etməliyəm. Mən nə etməli olduğuma qərar verəcək qədər yaxşı məşqçiyəm. Meydanda, xüsusən də yarımmüdafiədə gördüklərimdən kifayət qədər razı qaldım”.