“İnter” Gürcüstanda keçirdiyi təlim-məşq toplanışı çərçivəsində bu gün ikinci yoxlama oyununa çıxıb.
“Bankirlər” “Lokomotiv”in bazasında Rustavi “Metallurq”u ilə qarşılaşıb və qələbə qazanıb – 2:0. Qolları Asif Məmmədov və Aleksandr İaşvili vurub. “İnter” dünən keçirdiyi yoxlama matçında da 2:0 hesablı zəfərə sevinmişdi. Sxinvali “Spartak”ının qapısına Mirsahib Abbasovla Samir Zərgərov yol tapmışdı. Bank təmsilçisi Tiflisdəki hazırlığını yekunlaşdırıb və komanda bu gecə Bakıya qayıdacaq.