“Real” futbolçusu İsko ilə bu yay yeni müqavilə imzalayacaq.
Bununla bağlı 25 yaşlı oyunçunun agenti Pako Alarkonla “Real” nümayəndələri arasında ilkin danışıqlar olub. İsko ilə 5 illik yeni müqavilə imzalamaq barədə razılıq əldə olunub.
İspan yarımmüdafiəçinin yeni müqavilə ilə illik maaşının iki dəfə artacağı gözlənilir. Bu isə o deməkdir ki, İsko ilinə təxminən 6 milyon avro qazanacaq.
Qeyd edək ki, İsko bu mövsüm La Liqada 26 oyunda 9 qol vurub, 5 qolun ötürməsini verib.