PTT I Lİqasında 29-cu turun qarşılaşmasında “Kayserispor” səfərdə “Osmanlıspor”la qarşılaşıb.
İdmanxeber.com-un məlumatına görə, Kayseri klubunda forma geyinən millimizin qapıçısı Kamran Ağayev derbi matçı buraxmalı olub. Kamranın çətin səfərdə komandasına kömək edə bilməməsinin səbəbi zədələnməsi olub. Belə ki, oyun öncəsi isinmə hərəkətlərini yerinə yetirərkən təcrübəli qolkiper məşqçilər heyətinə ayağında ağrılar hiss etdiyini bildirib. Məşqçilər heyəti də həkimlərin məsləhəti ilə futbolçumuzun oynamasına icazə verməyib.
Məhz buna görə də Kamranın adı son anda “18”likdən çıxarılıb.