“Qarabağ”ın baş məşqçisi Qurban Qurbanov Azərbaycan Premyer Liqasının XXI turunda “Keşlə”yə qarşı səfər oyunundan sonra fikirlərini bildirib.
O, 1:1 hesabı ilə başa çatan matç barədə deyib:
“Çox gərgin oyun keçdi. Vacib xal qazandıq. Uzun fasilədən sonra optimal formada olmaq çətindi. Futbolçular minimum bir xala layiq idilər. Mahir Emreli və Qara Qarayev zədəlidilər. İstədiyimiz dəyişiklikləri edə bilmədik. Belə rəqibə qarşı oynamaq asan deyil. “Keşlə” çox aqressiv oynayırdı. Qarşıdakı oyunlarda diqqətli olmalıyıq”.