İdman

Kikboksinq üzrə açıq birincilik keçiriləcək

Azərbaycan Kikboksinq Federasiyası, Suraxanı rayon Gənclər və İdman İdarəsi və “Vətən” idman klubunun təşkilatçılığı ilə yanvarın 12-i və 13-də Şağan Olimpiya İdman Kompleksində 20 Yanvar şəhidlərinin xatirəsinə həsr olunmuş “Vətən” kikboksinq klubunun açıq birinciliyi keçiriləcək.

Yarışın keçirilməsində məqsəd kadetlər, yeniyetmələr və gənclər arasında kikboksinq idman növünün inkişafı, kikboksinq idman növünün kütləviliyinə nail olmaq, gənclərin sağlam və milli vətənpərvərlik ruhunda tərbiyə edilməsi, eyni zamanda idman klubunun yığma komandasının komplektləşdirilməsindən ibarətdir.

Komandaların gəlmə və çəki günü 12 yanvar saat 16.00-dan 20.00-a kimi “Vətən” kikboksinq klubunun zalında keçiriləcək. Yarış Beynəlxalq WAKO qaydalarına uyğun Lou-Kik və Kik-layt versiyaları üzrə baş tutacaq..


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43