Türkiyənin “Kocaelispor” klubuna keçən millimizin futbolçusu Ramil Şeydayev təqdimat mərasimində açıqlama verib.
İdmanxeber.az-ın məlumatına görə, 28 yaşlı hücumçu TFF I Liqa təmsilçisi ilə uğurlu mövsüm keçirmək istədiyini bildirib:
“Kocaelispor”u Rəşad Sadıqova görə tanıyırdım. Transfer danışığı uzun sürdü. Amma bu komandaya keçdiyim üçün xoşbəxtəm. Uğurlu mövsüm keçirmək istəyirəm. Burada oynamaq məni həyəcanlandırır. Mövsümün sonunda birlikdə sevinəcəyik”.
Qeyd edək ki, Tailandın “Buriram Yunayted” klubundan ayrılan Ramil Şeydayev “Kocaelispor”la 1,5 illik müqavilə bağlayıb.