Ölkə futbolu

“Lill”in baş məşqçisi: “Erkən qol buraxmağımız pis oldu”

“Komandada çətinliklər var idi. Erkən qol buraxmağımız pis oldu. Bakıdakı oyunda daha hazırlıqlı olacağıq”.

 İdmanxeber.com-un məlumatına görə, bu sözləri Avropa Liqasının III təsnifat mərhələsinin bu gün keçirilən “Lill” – “Qəbələ” oyunundan (1:1) sonra meydan sahblərinin baş məşqçisi Frederik Antonetti deyib.

 

Matçdan sonra keçirilən mətbuat konfransında çıxış edən mütəxəssis oyun barədə sualları cavablandırıb: “Cavab oyunu barədə nəsə demək çətindir. İnanıram ki, mərhələni adlayacağıq. Çox hücum etdik, ancaq bu fürsətlərin hamısından istifadə edə bilmədik. “Qəbələ” təcrübəli komandadır. Mərhələ adlamaq şansımız 50 faizdir”. 

Komandasının əsas hücumçusu Ederin də durumuna aydınlıq gətirən Antonetti bunları deyib: “Eder cavab oyunu üçün Bakıya gedəcək heyətdə ola bilər. Amma yüz faiz deyə bilmərəm ki, cavab görüşündə meydana çıxacaq, ya yox””. (Apasport)


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43