“Oyunda üstün tərəf idik. Bizim üçün yaxşı nəticə olmadı. Qələbəni əldən verən biz olduq”.
İdmanxeber.com-un məlumatına görə, bu sözləri “Barselona”nın baş məşqçisi Luis Enrike “Real”la oyundan (1:1) sonra keçirilən mətbuat konfransında deyib.
İspaniyalı mütəxəssis qələbəni əldən verdikləri üçün türkiyəli yarımmüdafiəçi Arda Turanı qınayıb:
“Arda lazımsız qayda pozuntusu etdi və Serxio Ramos qapımıza qol vurdu. Buna gərək yox idi. Buraxılan bir qol bizə baha başa gəldi”.
Qeyd edək ki, “Barselona” matçın 53-cü dəqiqəsində hesabda önə keçsə də, 90-cə dəqiqədə “Real” hesabı bərabərləşdirərək məğlubiyyətdən xilas olub.