Millimizin hücumçusu Mahir Emrelinin şərəfini qoruduğu “Legiya” Polşa çempionatının 6-cı turu çərçivəsində səfərdə “Visla” klubunun qonağı olub.
İdmanxeber.az-ın məlumatına görə, qarşılaşma meydan sahiblərinin qələbəsi ilə yekunlaşıb – 1:0.
Mahir bu görüşə ehtiyatda başlayıb. O, matçın ikinci yarısında meydana çıxıb və 66-ci dəqiqədə hesabı bərabərləşdirib. Lakin VAR-a müraciət edən hakimlər qolun qaydalar çərçivəsində vurulmadığını bildirib.
Qeyd edək ki, 2 oyun az keçirən “Legiya” 6 turdan sonra 4 xalla 14-cü pillədə qərarlaşıb.