25 Yanvar 2020
Kateqoriyasız

Mahirin evinə girən oğrulardan biri də həbs olundu

“Qarabağ”ın futbolçusu Mahir Emrelinin evini qarət etməkdə şübhəli bilinən daha bir nəfər tutulub.

İdmanxeber.az-ın məlumatına görə, polis əməkdaşlarının həyata keçirdiyi əməliyyat-axtarış tədbirləri nəticəsində oğurluq əməlini törətməkdə şübhəli bilinən qrupun daha bir üzvü saxlanılıb.

“Qarabağ”ın futbolçusu Mahir Emrelinin evini qarət etməkdə şübhəli bilinən daha bir nəfər tutulub. Polis əməkdaşlarının həyata keçirdiyi əməliyyat-axtarış tədbirləri nəticəsində oğurluq əməlini törətməkdə şübhəli bilinən qrupun daha bir üzvü, 2004-cü il təvəllüdlü Anar Məcnun oğlu Cəfərov saxlanılıb.

O, şübhəli şəxs qismində cəlb olunmaqla barəsində məhkəmənin qərarı ilə həbs qətimkan tədbiri seçilib.

Qeyd edək ki, Azərbaycan yığmasının və “Qarabağ”ın hücumçusu Mahir Emrelinin Sulutəpə qəsəbəsi, Ruslan Allahverdiyev küçəsi, döngə 20 ünvanında yerləşən evindən 20 min dollar, 17 min manat, 5 min manatlıq qızıl-zinət əşyaları və 3 ədəd “İphone” markalı telefon oğurlanıb.

Daxili İşlər Nazirliyinin Baş Cinayət Axtarış İdarəsi, Kriminalistik Tədqiqatları İdarəsi, Binəqədi Rayon Polis İdarəsinin (RPİ) Cinayət Axtarış Şöbəsi, RPİ-nin Kriminal Tədqiqatlar qrupu və 40-cı Polis Bölməsi əməkdaşlarının birgə keçirdiyi uğurlu əməliyyat-axtarış tədbirləri nəticəsində Qazax rayon sakinləri, əvvəllər məhkum edilən Nicat Vəliyev və əvvəl məhkum olunmayan Anar Mahmudov tutulublar. (APA)

Oxşar xəbərlər

Azərbaycan – Farer adaları: Start heyətlər

admin

“Qəbələ”nin yeni sponsoru müəyyənləşdi

admin

“Neftçi”dən son 4 ilin ən uğurlu startı

admin