Beynəlxalq Futbol Tarixi və Statistikaları Federasiyası (İFFHS) 2023-cü il üçün pleymeykerlərin reytinqini açıqlayıb.
İdmanxeber.az-ın məlumatına görə, reytinqdə birinci yeri “Mançester Siti”nin yarımmüdafiəçisi Kevin De Bruyne tutub. O, bu mükafatı üçüncü dəfə (əvvəllər 2020 və 2021-ci illərdə) qazanıb.
İkinci yeri Lionel Messi (PSJ/İnter Mayami), üçüncü yeri isə Bernardo Silva (“Mançester Siti”) tutub.
İlk “10-luq”da həmçinin Jude Bellinqem (Borussiya Dortmund/Real Madrid), Martin Odeqard (Arsenal), Camal Musiala (Bavariya), Toni Kroos (Real Madrid), Pedri (Barselona), Federiko Valverde (Real Madrid) və Bruno Fernandes (Mançester Yunayted) yer alıb.