Müsahibə

Marat İzmaylov: “Qəbələ”yə yalnız ona görə getmişdim” – MÜSAHİBƏ

“Qəbələ”nin sabiq futbolçusu Marat İzmaylov Rusiyanın “Sport-ekspress” qəzetinə müsahibə verib. 

– Azərbaycanın “Qəbələ” klubuna keçidin mencerin Paulo Barbozonun vasitəsilə oldu?

– İlk növbədə Yuri Syominə minnətdaram. Gizlətmirəm, “Qəbələ”yə yalnız ona görə getmişdim.

– Yəni sizi futbolçu kimi məhz Syomin kəşf edib…

– Belə demək olar.

– “Qəbələ”yə keçidinlə bağlı danışıqlar necə alındı? Siz Portuqaliyada əyləşib qəhvənizi içirdiniz və birdən zəng gəldi…

– Gəlin unutmayaq ki, həmin vaxt mən bir neçə ay oynamamaqla yanaşı, məşq də etmirdim. Niyə? Açıqlamaq istəmədiyim səbəblər var. Amma Syominin zəngi yerinə düşdü.

– Siz hələ də “Porto”ya məxsussunuz?

– Hələ bir illik müqaviləm var.

– Axı bu addım riskli idi. Hazırlıqsız və tanımadığınız çempionata yollanırdınız…

– Özümə gəlmək və əvvəlki oyunumu bərpa etmək üçün şans yaranmışdı. Ən əsası isə o idi ki, mən Azərbaycanda oynamaq imkanı əldə etdim.

– Buna peşman deyilsiniz?

– Əksinə. Çox şadam ki, 100 faiz düzgün addım atmışam


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43