Dünya futbolu

“Mbappe hazırda dünyanın ən yaxşı oyunçusudur”

Niderland millisinin yarımmüdafiəçisi Georginyo Veynaldum Fransa millisinin hücumçusu Kilian Mbappe haqda danışıb.

İdmanxeber.az-ın məlumatına görə, vaxtı ilə PSJ-də çıxış edən futbolçular bu gün Avro-2024 qrup mərəhləsinin ikinci turunda üz-üzə gələcəklər. Niderlandlı önəmli görüş barədə Mbappe barədə xoş sözlər söyləyib:

“Onun haqqında təəssüratım yəqin ki, hamı ilə eynidir. O, hazırda dünyanın ən yaxşı oyunçusudur. Mbappenin meydanda gördüyü işlər öz sözünü deyir. Mən PSJ-də olanda biz təkcə məşqdə və oyunlarda deyil, birlikdə vaxt keçirirdik. Bir-birimizi müntəzəm olaraq görürdük. Bizim əla dostluq münasibətlərimiz var idi və o vaxtdan bəri əlaqə saxlayırıq”.

Xatırladaq ki, Avstriya ilə oyunda Mbappe rəqib müdafiəçi ilə top uğrunda mübarizə apararkən burnunu sındırmışdı. Əvvəllər forvardın bu zədə səbəbindən bütün qrup mərhələsini buraxacağı bildirilirdi.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43