Dünya futbolu

Messi: “Valverdeni tanımıram”

“Barselona”nın ulduz futbolçusu Lionel Messi komandanın yeni baş məşqçisi Ernesto Valverde ilə bağlı açıqlama verib.

Argentinalı futbolçu Valverdeni yaxından tanımadığını bildirib:

“Valverdeni tanımıram və necə taktika ilə çalışdığını da bilmirəm. Önümüzdəki günlərdə tanış olacağıq. Son illərdə “Atletik”lə qazandığı nəticələri görürürük. Bir-birimizi tanımasaq da hədəfimiz yeni mövsümdə titullar əldə etməkdir”.

Messi Argentinanın DÇ-2018-in final mərhələsinə yollanmaq şansını dəyərləndirib: “Hələ şansımız var. Final mərhələsinə getmək üçün şansımız var və sona qədər mübarizə aparacağıq”.

Qeyd edək ki, Valverde “Barselona” ilə 2+1 illik müqavilə bağlayıb. 53 yaşlı çalışdırıcı Messi ilə çalışmaqdan böyük zövq alacağını bildirmişdi.

Messi bu mövsüm 52 oyunda 54 qol vurub və 19 assist edib.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43