“Stadionda görünəcək və hiss ediləcək dərəcədə tüstü var idi. Ətrafdakı manqallardan başqa heç bir yerdən çıxa bilməzdi”.
İdmanxeber.az-ın məlumatına görə, bu sözləri “Ferentsvaroş”un futbolçusu Endre Botka “Qarabağ”la 1:1 hesablı heç-heçə ilk bitən oyunu barədə yerli mətbuata açıqlamasında deyib. O, daha sonra belə davam edib:
“Çətin şəraitdə oynadıq. İsti çox problem yaratmasa da, meydanda oksigen yox idi. İsinmə hərəkətləri edərkən su bizdən sel kimi axırdı. Bunu bəhanə etmirəm, rəqib də bizimlə eyni şəraitdə oynadı. Sadəcə, onlar rütubətli havaya daha çox öyrəşiblər”.
Qeyd edək ki, “Ferentsvaroş” və “Qarabağ” arasında cavab matçı avqustun 9-da Macarıstanın paytaxtı Budapeştdəki “Groupama Arena”da olacaq.