19 Oktyabr 2019
Milli komanda

“Milli komanda səviyyəsində əhəmiyyətsiz oyun olmur” – Yurçeviç

“Səfərimiz yaxşı keçdi. Amma ümumilikdə, ilk dəfədir ki, heyətlə bağlı bu qədər ciddi problemlərimiz var. 3 futbolçumuz cəzalı durumdadır, 2 futbolçumuzun zədəli olması bəlli idi, son anda isə məlum oldu ki, Qara Qarayevin də zədə ucbatından sabahkı oyunu buraxacağı ilə bağlı ehtimal yüksəkdir. Bununla belə, Bəhreyn yığması ilə yoldaşlıq oyununun Macarıstan millisinə qarşı keçirəcəyimiz qarşılaşmanın qlobal mənada testi, yoxlaması olduğunu düşünmürəm”.

İdmanxeber.az-ın məlumatına görə, bu sözləri millimizin baş məşqçisi Nikola Yurçeviç “Bəhreyn Milli Stadionu”nda Bəhreyn yığması ilə yoldaşlıq oyunu öncəsi brifinqdə deyib.

“Bu oyun bəzi futbolçularımızın müxtəlif aspektlərdən nə dərəcədə hazırlıqlı olmasını müəyyənləşdirmək baxımından bizim üçün vacibdir. Təbii ki, daha çox Macarıstan millisi ilə keçirəcəyimiz oyun barədə düşünürük. Hava şəraitinin, yüksək temperaturun bizim üçün problem yarada biləcəyini ehtimal etmirəm. İndiki halda iqlim şərtləri futbolçuların xarakter göstərməsi baxımından əhəmiyyət kəsb edir. İstənilən halda, milli komanda səviyyəsində əhəmiyyətsiz oyun olmur. Yoldaşlıq və ya seçmə mərhələ oyunu olmasından asılı olmayaraq, milli komandanın bütün qarşılaşmaları önəmlidir”.

Oxşar xəbərlər

Robert Prosineçki: “Onlara Bakıda asan olmayacaq” (MÜSAHİBƏ)

admin

Millimizin heyəti açıqlandı

admin

Millinin heyəti açıqlandı

admin