Azərbaycan milli komandasının futbolçusu Əfran İsmayılovun idmanxeber.com-a müsahibəsi.
– Maltayla oyunda qazanılan qələbə haqda nə deyərdin?
Çətin oyun oldu. Biz qələbəyə inanırdıq. Şükürlər olsun ki, qələbə qazandıq. Əsas olan 3 xal idi.
– Hesabı erkən açdıqdan sonra sanki rahatladınız…
Hə, bir az risk etmək istəmədik. Çünki rəqib qapalı oynayırdı və əks-hücumlara bel bağlamışdı. İlk qoldan sonra düzgün taktika seçib ikinci qolu vurduq.
– Tez-tez geri ötürmələr verirdiniz. Bu baş məşqçinin tapşırığı idi, yoxsa…?
Geriyə ötürmə verməyimizin səbəbi rəqibin müdafiədə "oturması" idi. Onlar 6-7 nəfərlə müdafiə olunurdular. Buna görə dƏ geri ötürmələr edirdik.
– Ümumilikdə məşqçilər korpusu və sizin özünüz öz oyununuzdan razı qaldınızmı?
Ola bilər tam olaraq istədiyimiz oyunu sərgiləyə bilmədik. Ancaq əsas olan bu tskildəki ilk 3 xalı qazanmaq idi. Bu qələbə bizə çox vacib idi.