20 Yanvar 2021
Kateqoriyasız

Millimizin üzvü Niderland klubunda

“Sabah” və Niderlandın “Telstar” klubu arasında Ozan Can Kökcünün icarəyə verilməsilə bağlı razılıq əldə olunub.

Müqaviləyə əsasən, gənc yarımmüdafiəçi mövsümün sonuna kimi Niderland I Liqa təmsilçisində çıxış edəcək.

Ozan Can Kökcü 2019-cu ilin yayından “Sabah”ın uğurları üçün çalışır. Bu müddətdə komandanın əsas heyət üzvlərindən birinə çevrilən gənc futbolçu “göy-ağ” formada 29 oyun keçirib, 1 qola imza atıb. Azərbaycanın U-21 millisinin də əsas üzvlərindən olan Ozan Canın icarəyə verilməsində onun Avropa təcrübəsi qazanması və özünü inkişaf etdirməsi perspektivləri əsas götürülüb.

Kökcü klubun saytına keçidlə bağlı fikirlərini bildirib:

“Bu təklifə müsbət cavab verməyimə əsas səbəb özümü Avropada sınamaq, həmçinin Azərbaycanı və klubum “Sabah”ı Avropada ən yaxşı şəkildə təmsil etmək istəyimdi. “Telstar”a bu 6 aylıq müddətdə özümü daha da inkişaf etdirmək və daha üst səviyyəyə qalxmaq üçün yollanıram.

Mənə daim dəstək olan “Sabah” ailəsinə təşəkkür edirəm. Burda olmadığım müddətdə də komandamı yaxından izləyəcəm.

Doğma klubuma uğurlar diləyirəm”.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Oxşar xəbərlər

Millimizin heyəti açıqlandı

admin

Bremendə 5 qol – Video

admin

“Qarabağ”ın oyununun yeri dəyişdirildi

admin