“Sumqayıt” Futbol Klubu mövsümlərarası fasilədə növbəti transferini reallaşdırıb.
İdmanxeber.com-un məlumatına görə, komanda Azərbaycanın U-21 millisinin əsas üzvü olan Ehtiram Şahverdiyevi heyətinə qatıb. Klub saytında yer alan məlumata görə, futbolçu ilə 2,5 illik müqavilə imzalanıb.
Qeyd edək ki, “Qəbələ”nin yetirməsi olmuş 1996-cı il təvəllüdlü futbolçu “Sumqayıt” FK-da 77 nömrəli formanı geyinəcək.