Martın 4-də Bakı İdman Sarayında Moldova yığması ilə qarşılaşacaq Azərbaycan millisi hazırlığını davam etdirir.
Ölkə xaricində çıxış edən futzalçılardan Eduardo Borges və Bolinha artıq komandanın düşərgəsindədi.
Onlar artıq məşqlərdə iştirak edirlər. Qalo və Rafael Vilela milliyə sabah qoşulacaqlar.
Dünənki məşqdə qapıçı Emin Kürdov zədələnib. Onun Moldova ilə oyunda komandaya kömək edib-etməyəcəyi tibbi müayinədən sonra müəyyənləşəcək.