“Mançester Yunayted” klubunun baş məşqçisi Jose Mourinyo qış transfer pəncərəsini səbrsizliklə gözləyir.
İdmanxeber.com-un məlumatına görə, “Mançester Yunated”, Şotlandiya təmsilçisi “Seltik”də möcüzələr yaradan gənc hücumçu Musa Dembele üçün yanvar ayında təklif göndərəcək . Mövsüm öncəsi “Qalatasaray”ın da gündəminə gələn, ancaq az qala pulsuz olaraq “Fulhem”dən “Seltik”ə keçən fransız futbolçu meydanda olduğu 24 matçda 16 qol vuraraq diqqətləri cəlb eləməyi bacarıb.