“Qəbələ” Avropa Liqasının 2-ci təsnifat mərhələsi çərçivəsində Macarıstanın MTK klubu ilə qarşılaşacaq.
İdmanxeber.com-un məlumatına görə, rəqib komandanın çalışdırıcısı Teodori Vasilişs oyundan öncə bunları deyib:
“Təhlükəli rəqibə qarşı oynayacağıq. Azərbaycan klubu bir neçə dəfə Avropa Liqasının qrup mərhələsində çıxış edib. Bu təsadüf ola bilməz. Rəqib UEFA reytinqində 253-cü, biz isə 363-cü yerdəyik. Qələbə qazansaq, bu nəticədən razı olardım, amma heç-heçə də edə bilərik”.
MTK-nın futbolçusu Yozef Kanta: “Rəqibi yaxşı analiz etmişik. 3-cü mərhələyə adlamaq üçün hər şeyi edəcəyimizə söz verirəm. Əvvəlki oyunlarda da göstərdik ki, biz öz oyunumuzu oynasaq, problem olmayacaq”.
mtk.hu