Kateqoriyasız

Mübariz Mənsimov: “Qızım yuxuda ikən otağa basqın etdilər”

Martın 15-də Türkiyədə saxlanılan və barəsində həbs qərarı verilən “Xəzər Lənkəran“ın sahibi Mübariz Mənsimov vəkili vasitəsiylə açıqlama yayıb.

İdmanxeber.az-ın məlumatına görə, iş adamı açıqlamasında başına gələnləri şərh edib.

“Bir neçə aydır ki, bu çirkin oyunla qarşı-qarşıyayam. Məni FETÖ/PDY silahlı terror təşkilatı ilə əlaqədə olmaqda günahlandırırlar. Bunu 2017-ci ildə də etmişdilər, amma bacarmamışdılar.

3 il öncə hər şeyimi araşdırdılar və 2019-cu ildə heç bir sübut ortaya qoya bilmədilər. Həyatım boyu Azərbaycan və türk xalqları üçün çalışdım. Türk millətçiliyim hər şeydən öncə gəldi. Qazanacağımı bildikləri üçün məni qorxutmağa, bu mübarizədən çəkindərməyə çalışırlar.

İş adamı olmağı bir kənara qoyun, səhərin gözü açılmamış evə basqın təşkil edib, 18 yaşlı qızımın yuxuda ikən otağına girirlər. Mənim Allahdan başqa heç kimdən qorxum yoxdur, bunu hər kəs bilsin. Bütün bunlar əvvəlcədən planlaşdırılıb.

Bütün bu haqsızlıqlara görə aclıq aksiyası keçirdirəm, yemək yemirəm, su içmirəm, dərmanlarımı qəbul etmirəm. Yaxın bir zamanda əməliyyat olunmağıma, müalicəmim davam etməsinə baxmayaraq, məni saxladılar, iki gündən sonra həbsxanaya göndərirlər.

Belə çirkin bir ləkə ilə yaşamaqdansa, şərəfli bir ölümü seçib özümü Allaha təslim edirəm. Haqq-ədalət gec-tez öz yerini tapacaq”, – deyə Mənsimov açıqlamasında qeyd edib.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Oxşar xəbərlər

“Sabah”ın növbəti rəqibi bilindi

admin

İlkin Xəlilov seçicilərlə növbəti görüşlərini keçirdi – Şəkillər

admin

“Neftçi” cəzalandı – top daşıyan uşaqlara görə

admin