Bu gün AFFA-nın Apellyasiya və Ekspert Komitəsinin iclası keçirilib.
AFFA rəsmi saytı xəbər verir ki, İclasda “Qəbələ” İK, “Mil-Muğan” FK və məşqçi Nadir Qasımovun müraciətlərinə baxılıb. Müzakirələrdən sonra aşağıdakı qərarlar qəbul olunub.
1. AFFA-nın İntizam Komitəsinin “Qəbələ” İK-nın U-17 komandasına “İnter” – “Qəbələ” oyununda verilmiş texniki məğlubiyyət, klubun məşqçisi və klub barədə çıxardığı qərar qüvvədə saxlanılsın.
2. AFFA-nın İntizam Komitəsinin “Mil-Muğan” FK-nın futbolçusu Hacıyev Elşən Elman oğlu barədə çıxardığı qərar qüvvədə saxlanılsın.
3. AFFA-nın İntizam Komitəsinin “Şuşa” FK-nın baş məşqçisi Nadir Qasımov barədə çıxardığı qərar qismən dəyişdirilsin. Baş məşqçi Nadiq Qasımov intizam tədbiri olaraq 5 oyunluq kənarlaşdırılsın, digər 5 oyunluq cəzadan isə 6 aylıq sınaq müddəti tətbiq edilməklə azad olunsun. 6 aylıq sınaq müddəti ərzində Nadiq Qasımov analoji hərəkətlərə yol verdiyi təqdirdə ona təyin olunmuş intizam tədbiri hazırkı azad olunmuş cəzaya əlavə olunsun.