Nedved əsəblərinə hakim ola bilməyib.
Çempionlar Liqasının qrup mərhələsinin ilk oyununda səfərdə “Valensiya”nı məğlub edən “Yuventus” komandası qələbəyə doyunca sevinə bilməyib. Buna səbəb Turin təmsilçisinin portuqaliyalı ulduzu Ronadonun qirmızı vərəqə alması olub.
İspaniya mətbuatının yaydığı xəbərə görə, oyunun ilk hissənin ardından hazırda “Yuventus” rəhbərliyində çalışan sabiq futbolçu Pavel Nedved hakimlərin otağına hücum edib. O, almaniyalı referiyə kəskin etiraz edərək, işini bilmədiyini söyləyib. Təhlükəsizlik əməkdaşlarının araya girməsindən sonra sakitləşən çexiyalı oradan ayrılıb.
Ronaldoya aldığı qırmızı vərəqədən sonra iki oyun cəza verilməsi gözlənilir.