Avropa Liqasında mübarizə aparacaq "Neftçi" hazırlıqlarını Türkiyənin Bolu şəhərində davam etdirir.
İdmanxeber.com-un məlumatına görə, paytaxt klubu bu gün yoxlama görüşündə qüvvəsini sınayıb.
"Ağ-qaralar"ın rəqibi Səudiyyə Ərəbistanının "Əl Kadisiya" klubu olub. Qarşılaşma təmsilçiumizin qələbəsi ilə yekunlaşıb – 3:1.
"Neftçi"nin qollarını Vobay, Ruslan Qurbanov və Nicat Qurbanov vurublar.
Qeyd edək ki, paytaxt klubu buna qədər Türkiyədə 2 yoxlama görüşü keçirib. "Neftçi" hər iki matçda Gürcüstanın “Çixura” klubu ilə qarşılaşıb. İlk matçda 2:3 hesabıyla uduzan "ağ-qaralar" növbəti oyunda 1:1 hesablı heç-heçəyə razılaşıb.