İyulun 12-də Avropa Liqasının 1-ci təsnifat mərhələsinin ilk oyununda Macarıstanın “Uypeşt” klubuna 3:1 hesabı ilə qalib gələn “Neftçi” cavab matçının hazırlığını gündə bir məşqlə davam etdirir.
Paytaxt klubu bu gün “Türk Hava Yolları Futbol Mərkəzi”ndə təlim-məşq bazasında axşam məşqinə çıxıb. Hazırlıq prosesində zədəli Namiq Ələsgərovdan başqa bütün futbolçular iştirak ediblər.
“Neftçi” sabah səhər məşqindən sonra Macarıstana yola düşəcək.
“Uypeşt” – “Neftçi” oyunu iyulun 19-da Budapeştdəki “Ferens Susa” stadionunda keçiriləcək və Bakı vaxtı ilə saat 23:00-da start götürəcək.