“Srvena Zvezda” klubunun baş məşqçisi Miloş Miloyeviç Türkiyədəki təlim-məşq toplanışında “Neftçi” ilə keçirilən yoxlama görüşü barədə danışıb.
İdmanxeber.az-ın məlumatına görə, 41 yaşlı mütəxəssis komandasının oyunundan razı qaldığını bildirib:
“Rəqibimizə qarşı inamlı qələbə qazandıq. Meydandakı bütün futbolçular yaxşı müabarizə apardılar. Az şans əldə edən futbolçulara üstünlük versək də, onlar çox qol imkanı yaratdılar. Bu da müsbət haldır. Onlar “Srvena Zvezda” forması altında oynamaqdan həzz aldılar”.
Qeyd edək ki, görüş Serbiya klubunun 2:1 hesablı qələbəsi ilə başa çatıb.