PSJ-nin futbolçusu Neymar doğum günü öncəsi ikinci oyunu da buraxacaq.
İdmanxeber.az-ın məlumatına görə, Paris təmsilçisinin fevralın 4-də “Tuluza”ya qarşı keçirəcəyi görüşdə braziliyalı futbolçu forma geyinməyəcək. Onun ayaq əzələsində ağrıları olduğu bildirilir.
Ulduz futbolçunun gələn həftə sonu yaşıl meydanlara qayıdacağı gözlənilir. Neymar ötən tur “Monpelye”yə qarşı oyunda da zədə səbəbindən iştrirak etməmişdi.
Xatırladaq ki, braziliyalı hücumçunun fevralın 5-də 31 yaşı tamam olur.