“Nyukasl”ın baş məşqçisi Eddi Xau Kristiano Ronaldo ilə bağlı açıqlama verib.
İdmanxeber.az-ın məlumatına görə, 45 yaşlı mütəxəssis ötən gün “Arsenal”la oyundan (0:0) sonra ulduz futbolçunun komandaya keçmək ehtimali ilə bağlı “Sky Sports”a danışıb.
“Ronaldoya uğurlar arzulayırıq. Ancaq onun bizə transfer olunacağı ilə bağlı deyilənlər doğru deyil” – deyə, Xau bildirib.
Xatırladaq ki, Səudiyyə Ərəbistanı “Əl-Nasr”a transfer olan Ronaldonun Çempionlar Liqasına vəsiqə qazanacağı təqdirdə “Nyukasl”a keçəcəyi iddia edilirdi.