Sərbəst güləş üzrə Olimpiya çempionumuz Toğrul Əsgərov sosiyal şəbəkələrdə xoşagəlməz halla üzləşib.
İdmanxeber.com-un məlumatına görə, 25 yaşlı idmançı “facebook”da adına saxta profilin açılmasından şikayətlənib. Belə ki, naməlum şəxs Əsgərovun adı ilə “fake” profil açaraq, onun adından bir o qədər xoş olmayan paylaşımlar etməyə başlayıb. Məlum hadisə isə Toğrul Əsgərovun etirazına səbəb olub və o öz hesabında bu sözləri yazıb.