“Bütün oyunlara qələbə üçün çıxırıq. Bu gün “Bakılı” ilə oyuna da eyni məqsəd üçün çıxacağıq. İnşallah qələbə qazanacağıq”.
Bu sözləri “Bakılı” ilə oyundan öncə İdmanxeber.com-a açıqlamasında “Ağsu”nun futbolçusu Vüsal İsmayılov deyib.
O, “Bakılı”nın autsayderlər mövqeyində olmasına baxmayaraq çətin rəqib olduğunu bildirib:
“Onların autsayder olması bizi rahatlaşdırmır. Birinci dövrədə Bakıda onlarla heç-heçə oynamışıq və bu komandanın necə bir rəqib olduğunu yaxşı bilirik”.
İsmayılov daha sonra komandasının Premyer Liqaya yüksəlmək şanslarını dəyərləndirib:
“Qismət olsa biz də Premyer Liqada oynayardıq. Kim istəməz ki, komandası Premyer Liqada oynasın… Oynasaydıq yaxşı olardı”.
Qeyd edək ki, “Ağsu” – “Bakılı” matçı bu gün saat 15:00-da başlayacaq.