Ölkə futbolu

“Oyunçular xarakter göstərməli idilər, amma göstərmədilər” – Kaxaber Tsxadadze

“Deyiləcək çox şey yoxdur. Oyunçular xarakter göstərməli idilər, amma göstərmədilər. Sonradan meydana daxil olanlar oyunu gücləndirə bilmədi. İkinci qol kuryoz oldu. Bir oyunçu 4 nəfəri aldadıb keçir. Gənc oyunçu Şahin Şahniyarov bu gün özünü yaxşı tərəfdən göstərdi. Ona uğurar arazulayıram”.

İdmanxeber.az məlumat verir ki, bu sözləri “Qəbələ”nin baş məşqçisi Kaxaber Tsxadadze Premyer Liqanın 30-cu turunun “Turan Tovuz”la görüşündən sonra keçirilmiş mətbuat konfransında deyib. O, komandasının məğlubiyyətini şərh edib.

– Açıqlamalarınızda futbolçuları tənqid edirsiz. Bu, onlarda ruh düşkünlüyü yaratmır?

– Onlarda mənfi fikir yaranması ilə razı deyiləm. Həmişə onlarla müzakirələr aparırıq. Hər şeyin insanın üzünə deyilməsinin tərəfdarıyam. Kimsə pis məşqçi olduğumu desə, əsəbləşəcəm, ona yaxşı məşqçi olduğumu sübut edəcəm. Oyunçular da yaxşı olduqlarını sübut etməlidir. Xarakter göstərmək lazımdır. Zəif adamlar tez ruhdan düşür. Onların hər birinə inanıram. Bu gün gənc futbolçunu meydana buraxdıq. Sanki 20 ildir bu komandada oynayır. Özünü çox yaxşı göstərdi.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43