“Qarabağ”ın sabiq futbolçusu Pedro Enrike açıqlama verib.
Braziliyalı vinger ölkəsinin mətbuatına Ağdam klubuna keçidindən danışıb.
Hazırda Türkiyənin “Kayserispor” klubunda çıxış edən 30 yaşlı yarımmüdafiəçisi Azərbaycan klubunda arzusuna çatdığını söyləyib: “Ürəyim ağrıyırdı, “Qarabağ”dan təklif gələndə PAOK-un prezidentindən məni sərbəst buraxmasını xahiş etdim. Arzum Çempionlar Liqasında oynamaq idi. Bu arzuma da çatdım”.
Pedro Enrike 2017/2018 mövsümündə icarə əsasında “Qarabağ”da çıxış edib. O, “Qarabağ”ın Bakıda “Roma” ilə matçında (1:2) fərqlənməklə Azərbaycan futbol tarixində Çempionlar Liqasının qrup mərhələsində qol vuran ilk oyunçu olub.