Premyer Liqa: 22-ci tur rəqəmlərin gözü ilə

Bu həftə Topaz Premyer Liqasında 22-ci turun oyunları keçiriləcək. Milli komandaların oyunları ilə əlaqədar təqvimdə dəyişikliklər edildiyindən qarşılaşmalar həftəsonu deyil, çərşənbə günü baş tutacaq. Bir gündə keçiriləcək turda “İnter” – “Neftçi” paytaxt derbisi və “Xəzər Lənkəran”la “Bakı” arasında maraqlı qarşılaşmalarla əlamətdar olacaq. Peşəkar Futbol Liqasının rəsmi internet saytı artıq neçə ildir formalaşan ənənəsinə sadiq qalaraq bu dəfə də üz-üzə gələn cütlərin çempionatlar tarixindəki oyunlarının balansını təqdim edir. Balansda sonradan adını dəyişən klubların varisi olan komandaların nəticələri də əksini tapıb.

XXII tur
19 fevral  (çərşənbə)

106. “Rəvan” (Bakı) – “Qarabağ” (Ağdam) 
+0=4-2, top fərqi 4-7

Çempionatın lideri indiyədək heç vaxt uduzmadığı “Rəvan”la qarşılaşacaq. Cari mövsüm rəqibinə qalib gələ bilməyən “Qarabağ” son iki ev oyununda da bakılıları məğlub edə bilməyib.

107. AZAL (Bakı) – “Qəbələ” (Qəbələ) 
+7=5-4, top fərqi 26-12

17-ci dəfə üz-üzə gələcək rəqiblərin duellərində AZAL üstünlüyə malikdir. Lakin cari mövsüm bakılılar rəqibindən xal ala bilməyib. “Qəbələ” son 4 səfər matçında qapısından qol buraxıb.

108. “Xəzər Lənkəran” (Lənkəran) – “Bakı” (Bakı) 
+7=11-8, top fərqi 26-25

Bakılılar “Xəzər Lənkəran”la əvvəlki 26 qarşılaşmada cüzi üstünlüyə malikdir. Paytaxt təmsilçisi həm də son 6 matçda rəqib qapısına qol vurmadan meydanı tərk etməyib.