Premyer Liqanın 20-ci turunda bu gün “Rəvan” – “İnter” oyununda qalmaqal yaşanıb. Qarşılaşmanın 90+4-cü dəqiqəsində qonaq komanda penalti zərbəsi ilə hesabda önə keçib. Qoldan sonra “İnter”in gürcü müdafiəçisi Laşa Salukvadzenin “Rəvan”ın məşqçiləri qarşısında etdiyi ədəbsiz hərəkət qarşı tərəfin kəskin etirazına səbəb olub. “Rəvan”ın məşqçisi Füzuli Məmmədov gürcü legionerin bu hərəkətinə görə onun üzərinə hücum edib.