Prezident İlham Əliyev İqor Ponomaryovun “Şöhrət” ordeni ilə təltif edilməsi haqqında sərəncam imzalayıb.
Sərəncamla Azərbaycan Respublikasında idmanın inkişafında xidmətlərinə görə İqor Anatolyeviç Ponomaryov “Şöhrət” ordeni ilə təltif edilib.
Qeyd edək ki, “Neftçi”nin veteran futbolçusunun bu gün 60 yaşı tamam olur. Keçmiş yarımmüdafiəçi 1978-1981, 1983-1989-cu illər ərzində “Neftçi”nin heyətində 246 oyun keçirib, 70 qol vurub. 1988-ci ildə SSRİ Olimpiya yığmasının heyətində qızıl medal qazanmış Ponomaryov Azərbaycan milli komandasının baş məşqçisi (2000-2001) vəzifəsində də çalışıb.