Kateqoriyasız

“Qəbələ”nin legionerləri ən yaxşılardandı

Koronavirus pandemiyası üzündən 20 turdan sonra dayandırılan Azərbaycan Premyer Liqasının arxada qalan hissəsində “Qəbələ”nin futbolçuları ən yaxşılar sırasında yer alıb.

İdmanxeber.az klubun saytına istinadən xəbər verir ki, mövsümdə 5 dəfə turun oyunçusu adına “qırmızı-qaralar”ın üzvü layiq görülüb. Bu adı fərqli oyunçular qazanıb. Bunlardan üçü II, ikisi III dövrəyə təsadüf edib. Ən yaxşı adına bir dəfə yerli, dörd dəfə legioner layiq görülüb. XIX turda klubun yetirməsi olan Qismət Alıyev bu ada yiyələnib. Davit Volkov (X tur), Merab Qiqauri (XI tur), Fernan Lopez (XIII tur) və Nikolas Raysel (XX tur) də hərəyə bir dəfə fərqlənib.

“Qəbələ”nin futbolçuları mövsümdə 29 dəfə “İnStat” şirkətinin təhlilinə əsasən müəyyənləşən turun rəmzi yığmasında yer alıb. Üç oyunçu daha çox fərqlənib. Bunlar xorvatiyalı İvitsa Juniç (XIII, XVI, XIX, XX) və gürcüstanlılar Merab Qiqauri (V, VII, XI, XIII) ilə Davit Volkovdur (IX, X, XI, XIII). Onlar hərəyə 4 dəfə rəmzi komandaya daxil edilib. Üç futbolçu isə mövsümdə 3 dəfə “11-lik”də qərarlaşıb. Anar Nəzirov XI, XIII və XX, Fernan Lopez X, XI, XIII, Qismət Alıyev X, XI və XIX turlarda ən yaxşılar sırasında olub. Klesio Bauk (VII, XIII) bunu 2 dəfə bacarıb. Ümumilikdə, mövsüm ərzində 13 oyunçu rəmzi komandaya düşüb. Hərəyə bir dəfə “11-liy”ə daxil edilənlərdən Roman Hüseynov, Ülvi İsgəndərov və Yusif Nəbiyev XI, Rövlan Muradov XIII, Amin Seydiyevlə Nikolas Raysel XX turda fərqlənməyə müvəffəq olub.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Oxşar xəbərlər

AFFA I Diviziondakı maraqlı olaylarla bağlı cəzaları açıqladı

admin

Nazarov Almaniya klubunun tarixinə düşdü

admin

TV AFİŞA: Hansı oyun, hansı kanalda?

admin