Premyer Liqanın sonuncu turu çərçivəsində keçirilən “Sumqayıt” – “Qəbələ” görüşündə (1:0) zədələnən Murad Musayevin son durumu bəlli olub.
İdmanxeber.az-a verilən məlumata görə, futbolçunun zədəsi ciddidir. Onun axil vətərinin yırtıldığı bildirilir.
“Qırmızı-qaralar”ın müdafiəçisi təxminən 6-8 ay yaşıl meydanlardan kənar qalacaq.
Xatırladaq ki, bənzər zədə daha öncə “Qəbələ”nin kapitanı Asif Məmmədovun da başına gəlmişdi. Təcrübəli futbolçu Türkiyədə əməliyyat olunduqdan sonra sağlamlığına qovuşub.