“Qalatasaray” daha iki futbolçusu ilə yolları ayırıb.
İdmanxeber.com-un məlumatına görə, bunlar Jem Paul Karacan və Lukas Ontiverodu. Məlumata görə, komanda hər iki futbolçu ilə müqaviləni ləğv edib. Bu səbəbdən komanda Ontiveroya 550, Karacana isə 240 min avro təzminat ödəyib.
Xatırladaq ki, bir neçə gün öncə komanda Hamit Alıntop, Aurelian Çedju və Kolbeyn Siqtorssonla da müqaviləni qarşılıqlı şəkildə ləğv etmişdi.