25 Yanvar 2021
Kateqoriyasız

Qara Qarayev: “Müdafiəçi kimi oynamaq mənə çətinlik yaradır”

“Qarabağ”ın futbolçusu Qara Qarayev Avropa Liqasının qrup mərhələsinin V turunda “Makkabi”yə (Tel-Əviv) qarşı sabahkı oyun barədə fikirlərini bildirib.

Təcrübəli futbolçu oyunöncəsi mətbuat konfransında deyib:

“Güclü komandaya qarşı oynayacağıq. “Makkabi” yaxşı müdafiə olunmaqla yanaşı, qol vurmağı da bacarır. Çox diqqətli olmalıyıq. Son zamanlarda heyətlə bağlı problemlərimiz var. Ancaq azarkeşləri sevindirmək üçün əlimizdən gələni edəcəyik. Son ev oyunumuzda xal qazanmağa çalışacağıq”.

28 yaşlı yarımmüdafiəçi son zamanlar meydana müdafiəçi kimi çıxmasının onun üçün çətinlik yaratdığını qeyd edib: “Sonuncu müdafiəçi kimi oynamaq vərdişlə bağlıdı. Uzun müddətdi bu mövqedə oynamasam da, orta xətlə oxşarlığı var. Mənim üçün çətindi. Son vaxtlar heyətdəki problemlərə görə bu addım atılıb. Fərqi hiss etdirməməyə çalışacağam”.

Sabah İstanbuldakı “Başakşəhər Fatih Terim” stadionunda keçiriləcək “Qarabağ” – “Makkabi” matçı Bakı vaxtı ilə saat 21:55-də start götürəcək.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Oxşar xəbərlər

“Qalatasaray”dan da təklif gəlsəydi, getməyəcəkdim”

admin

“Mövsümün ikinci yarısına tam hazır olacağıq” – “Qəbələ”nin legioneri

admin

“Oyunlarımızda 25 dəqiqədən bir su fasiləsi olacaq” – Maksim Medvedev

admin