“Qarabağ” Avropa Liqasının qrup mərhələsinin 2-ci turunda oktyabrın 3-ü Lüksemburqun “F91 Düdelanj” səfər oyunu öncəsi azarkeşlərə müraciət edib.
İdmanxeber.az-ın məlumatına görə, klubun rəsmi saytı vasitəsi ilə yayımlanan müraciətdə bildirilir:
“Qarabağ” Avropa Liqasının qrup mərhələsinin II turunda oktyabrın 3-ü səfərdə Lüksemburqun “F91 Düdelanj” klubunun qonağı olacaq. Komandanı səfərdə dəstəkləyəcək azarkeşlər oyun günu qonaq sektoru (xəritədə oxla göstərilən) önündə satış məntəqəsindən biletlərini əldə edə bilər. Biletlərin qiyməti meydan sahibi tərəfindən 30 avro olaraq müəyyənləşdirilib”.
