Konfrans Liqasının qrup mərhələsi çərçivəsində baş tutacaq “Qarabağ” – “Bazel” oyununa bilet satışı davam edir.
Klubun mətbuat xidmətindən İdmanxeber.az-a verilən məlumata görə, sentyabrın 16-da baş tutacaq qarşılaşmaya 8 min bilet satılıb.
Qeyd edək ki, sentyabrın 16-da keçiriləcək “Qarabağ” – “Bazel” görüşü saat 20:45-də başlayacaq.
Xatırladaq ki, biletlərin qiyməti müvafiq olaraq 3, 5, 10 və 40 manat təşkil edir.
Bakı Olimpiya Stadionunda keçiriləcək oyunda koronavirus pandemiyası ilə əlaqədar stadion tutumunun 50 faizi qədər azarkeş tribunalara buraxılacaq.
İkinci və üçüncü kateqoriya biletləri Tofiq Bəhramov adına Respublika stadionun kassalarından saat 11:00-dan 19:00-dək əldə etmək mümkündür. “FAW Azərbaycan”da isə (həftə içi saat 10:00-dan 17:00-dək; həftə sonları saat 10:00-dan 16:00-dək) VIP və 1-ci kateqoriya biletlər satışdadır.
Bundan əlavə, Iticket.az-ın satış məntəqələri (iticket.az-da onlayn satış) və “Park Bulvar”dakı “Qarabağ”ın fan-Şopunda (11:00-dan 19:00-dək), eləcə də “28 Mall” və “Gənclik Mall” ticarət mərkəzlərində bütün biletlər satışa çıxarılıb.