“Qarabağ” məşq yerini dəyişib.
İdmanxeber.az-ın məlumatına görə, Çempionlar Liqasının 3-cü təsnifat mərhələsinin cavab qarşılaşması üçün Minskdə olan “Qarabağ” komandası BATE ilə oyundan əvvəl qarşılaşmanın keçiriləcəyi “Borisov Arena”da məşqə çıxmalı idi. Komanda ənənəvi məşq prossesinə qatılmaqdan imtina edib.
Buna səbəb, “Qarabağ”ın məskunlaşdığı otelin stadiondan 70 km-dən artıq məsafədə yerləşməsidir. Buna görə də, “Qarabağ” son məşqini Minskdə yerləşən “Olimpiya” stadionunda edib.
Qeyd edək ki, “Qarabağ” – BATE görüşü sabah keçiriləcək.