Kateqoriyasız

“Qarabağ” bu gün gedir

Konfrans Liqasının pley-off mərhələsinin ilk oyununda “Olimpik Marsel”in qonağı olacaq “Qarabağ” bu gün Fransaya yollanacaq.

İdmanxeber.az klubun saytına istinadən xəbər verir ki, komandanı Marsel şəhərinə aparacaq təyyarə saat 16:00-da Heydər Əliyev Beynəlxalq Hava Limanından yola düşəcək.

Baş məşqçi Qurban Qurbanov fevralın 16-da yerli vaxtla 18:40-da (Bakı vaxtı ilə 21:40) mətbuat konfransında iştirak edəcək. Media nümayəndələrinə açıq məşq isə yerli vaxt ilə 19:00-da (Bakı vaxtı ilə 22:00) matçın oynanılacağı “Velodrom” stadionunda baş tutacaq.

“Marsel” – “Qarabağ” matçı fevralın 17-də “Velodrom” stadionunda Bakı vaxtı ilə 00:00-da keçiriləcək.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43