UEFA Çempionlar Liqasında II təsnifat mərhələsinin cavab oyunlarından sonra statistik göstəricilər açıqlanıb.
İdmanxeber.az-ın məlumatına görə, “Qarabağ” turnirdə ən çox qol vuran komandaların siyahısında yer alıb. Azərbaycan təmsilçisi 4 oyunda 10 dəfə fərqlənməklə Macarıstan “Ferentsvaroş”u ilə birlikdə 3-4-cü yerləri bölüşdürür. Norveçin “Budö/Qlimt”i 12 qolla birinci, İslandiya “Vikinqur”u 10 qolla ikinci pillədə qərarlaşıb.
“Qarabağ”ın yarımmüdafiəçisi Kadi Borges bombardirlik cədvəlində 4 qolla ikinci yerdədir. “Budö/Qlimt”dən Viktor Bonifeys isə beş dəfə fərqlənməklə siyahıya başçılıq edir.
Qeyd edək ki, Çempionlar Liqasının III təsnifat mərhələsində Macarıstanın “Ferentsvaroş” klubu ilə üz-üzə gələcək.