Premyer Liqanın X turunda “Neftçi” ilə matçda (0:0) zədələnən “Qarabağ”ın hücumçusu Mahir Emrelinin əzələsində dartınma olduğu aşkarlanıb.
Klubun saytının yaydığı məlumata görə, 22 yaşlı futbolçunun təxminən iki həftə yaşıl meydanlardan uzaq qalacağı gözlənilir.
Mahir “Qarabağ”ın Avropa Liqasının qrup mərhələsinin IV turunda Kiprdə APOEL-ə qarşı keçirəcəyi oyunda iştirak etməyəcək.
APOEL – “Qarabağ” matçı noyabrın 7-si Bakı vaxtı ilə 21:55-də Nikosiyada yerləşən GSP stadionunda baş tutacaq.